Je naša zasadna winowatosć, zrěčenju generacijow wotpowědować a z tym hladanje a zastaranje zestarjaceje ludnosće we wjesnych kónčinach w lěće 2030 zawěsćić.
Stupaca potrjeba hladanja potrěbnych žada sebi k nětčišej ličbje fachowcow hač do lěta 2030 přidatne 900 hladanske mocy. Runočasnje wopušća 1.500 hladanske mocy starobnych přičin dla powołanje a hižo k dispoziciji stać njebudźa. Wobsteji potajkim deficit 2.400 fachowcow jeničce w tutej branši. Na tamnym boku budźe w Budyskim wokrjesu na zakładźe wobstejaceje starobneje struktury wobydlerstwa w lěće 2030 ličba dźěłakmanych wobydlerjow mjeńša hač ličba tych, kotřiž hižo njejsu kmani dźěłać.
Reprezentatiwna studija w zhromadnym dźěle z Drježdźanskej TU je k dopóznaću wjedła, zo nochcedźa naši ludźo prěnjotnje scyła do hladanskich zarjadnišćow, abo wot kraja do měšćanskeho wobłuka ćahnyć.
Zaměr wobsteji potajkim w tym: Čas žiwjenja doma zastarany być!
Dźe při knježacej disonancy potajkim wo to, kak móže so rosćacy podźěl hladanja potrěbnych přez snadnišu ličbu hladanskich mocow, po móžnosći doma, kaž tež w swójbam so hodźacym dźěłowym času, zastarać. Potenciale, kotrež so přez enormny podźěl dźělneho dźěłoweho časa njewužiwaja, maja so přez modele dźěłoweho časa, kotrež so swójbam lěpje hodźa, wužiwać. Tež měli so potenciale k zaručenju ambulantneho a stacionarneho hladanja, kotrež budźa nam w přichodźe pobrachować, přez alternatiwne hladanske modele narunać.
Wuchadźišćo našeho rozrisanja wobsteji w tym, po cyłym Budyskim wokrjesu dnjowe přebywanišća za dźěći a seniory (KI-SE-TA) iniciěrować. Wutwar dnjowych hladanišćow, takrjec "pěstowarnjow" za hladanje potrěbnych – zahe tam, popołdnju domoj –
Z tym dóńdźemy k našemu cilej: Čas žiwjenja doma zastarany być!
Tež dyrbimy w gmejnach syć swójbow, fachowcow a čestnohamtskich přez etablěrowanje fachowych koordinatorow skrućić.
Fachowy koordinator je wosoba, kotraž přez swoju lokalnu wědu a swoju syć, mjez pomoc pytacymi a pomoc skićacymi posrědkuje – rozrisanje na městnje, bjez problemow a praktisce.
Njewotwisnje wot projekta “KI-SE-TA” wobsteji dale trěbnosć, atraktiwitu powołanja zwyšić. K tomu słuša
→ lěpše płaćenje
→ mnóstwo dźěła přez zwyšene personalne kluče za jednotliwca znižić
→ fleksibelniše modele dźěłoweho časa, zo bychu so wjac ludźi za połne dźěłowe městno rozsudźili (76%! w hladanju dźěłacych njedźěłaja połnje)
→ starobje wotpowědowaca organizacija dźěła, z kotrejž starši přistajeni dlěšo w powołanju zwostawaja
→ ličbu wučomnikow stopnjować (stejnišća powołanskich šulow?)
Cile:
→ we wjesnych kónčinach zastaranje staršich ludźi zawěsćić abo
→ ludźo dyrbjeli doma samopostajeni dale žiwi być móc abo
→ čas žiwjenja doma zastarany być
→ přiwuzni dowjezu na př. dźěćo a dźěda abo wowku do samsneho zarjadnišća
→ přistajeni w dnjowych hladanišćach njetrjebaja w změnje abo po nocach dźěłać, tole zwyši atraktiwitu powołanja
Móžnosće digitalizacije wotewrja modernemu zarjadej nowe zhladowanja. Tak móžachu so za wobydlerja, kaž tež za sobudźěłaćerja a zarjadnistwo, přez hižo wutworjene procesy digitalizacije, nadhódnoty stworić.
Ze zawjedźenjom e-akty w někotrych wobłukach móža wobydlerjo na přikład naležnosće online zapodać a zalutuja sej jězbne a čakanske časy. Sobudźěłaćerjej zmóžnja e-akta fleksibelne a mobilne dźěło w teledźěłanju, přez čož hodźi so zjednoćomnosć powołanja a swójby lěpje zaručić. Přez tele dźěło su sobudźěłaćerjo backoffice-wobłuka jenož zdźěla w zarjadnistwje přitomni. W normalnym padźe dźěla sej třo sobudźěłaćerjo jedne dźěłowe městno, štož chětro k eficientnišemu zarjadniskemu dźěłu přinošuje.
Tohodla budźemy digitalizaciske procesy na wšitke wobłuki zarjadnistwa rozšěrić. Zaměr dyrbi być, kóždežkuli móžne zarjadniske wukony digitalneho razu tež online poskićeć. Tak budźemy potrjebam młodeje generacije wotpowědować. Na přikład budu studenća online-BAföG-próstwu a młodźi starši online-wobdźěłanje staršiskeho pjenjeza w přichodźe bjez sobuskutkowanja zarjadnistwa zapodać móc.
Z tym přidatnje swobodne byłace kapacity, budźemy za analogne, resp. wosobinske poradźowanje a za pomoc staršeje generacije wužiwać. Konkretnje to rěka, sobudźěłaćerjo fachowych zarjadow budu na městnje jako sobudźěłaćerjo wobydlerskeho zarjada w direktnym wobydlerskim serwisu kompleksny pomocny wukon w běrowach radnicow přewjesć. W jednotliwym móže to tež rěkać, zo budźe na přikład sobudźěłaćerka wotpowědneho zarjada z laptopom za kuchinskim blidom radu pytaceho wuměnkarja sedźeć.
Moderne zarjadnistwo orientuje so na kwalitatiwnje wysokohódnotnym kaž tež wočakowanja wobydlerjow spokojacym wukonjenju nadawkow.
Dokelž móže so spokojnosć wobydlerja jenož z kwalifikowanymi, motiwowanymi a spokojnymi sobudźěłaćerjemi docpěć, maja dobre dźěłowe wuměnjenja za nas wysoku hódnotu. Tohodla budźemy, za lěpšu zjednoćomnosć powołanskich a priwatnych naležnosćow sobudźěłaćerjow, fleksibelne a moderne rjadowanja dźěłoweho časa dale wuwiwać, mobilne dźěła kaž tež tele dźěło trajnje etablěrować resp. dale wutwarić a přichodnje nowe tarifowe móžnosće za přeměnjenje mzdy a zarjadowanje dołhodobnych kontow dźěłoweho časa k wažnemu wobstatkej našeje personalneje politiki činić.
Přez mjenowane naprawy je za přistajenych móžno, swójski indiwidualny dźěłowy čas wotpowědnje swójskim potrjebam a wotpowědnej žiwjenskej situaciji rozdźělić. Móžemy z tym tež swoju atraktiwitu jako dźěłodawar stopnjować a lěpšiny we wubědźowanju wo hódne personalne resursy docpěć.
Społnomócnjeneho z tutymi zaměrami a ze swójskimi rozsudowymi kompetencami pomjenować, kiž je direktnje krajnemu radźe přirjadowany.
Bliskosć k wobydlerjam je moje dźěło přeco charakterizowało. Tak njech tež wostanje. Z mnohich rozmołwow, kotrež sym wjedł, móžach ideje a móžnosće wuwića za naš wokrjes zrodźić. Wjeselu so tuž na mnohe dalše rozmołwy. Sće wšitcy přeprošeni, ze mnu do rozmołwy přińć.
Konto za dary:
Wokrjesny zwjazk CDU Budyšin
IBAN: DE35 8555 0000 1000 0024 69
BIC: SOLADES1BAT
Wokrjesna nalutowarnja Budyšin
Zaměr wužiwanja: dar LR-Wahl 2022 + WAŠE MJENO + ADRESA
Samozrozumliwje dóstanjeće wotpowědne darjenske wopismo.
