Čestnohamtski angažement ma wulku hódnotu za towaršnostnu zhromadnosć a je njeparujomny za indiwidualne wobdźělenje, towaršnostnu integraciju, stabilne struktury a socialne wjazby. Dźěło našich towarstwow ma wysoki wuznam při sposrědkowanju zakładnych hódnotow a towaršnostneje zhromadnosće. Z tym je čestnohamtske dźěło rozsudny stołp fungowaceje towaršnosće. Fundamentalny wuznam za dalewobstaće a wuwiće kóždežkuli towarstwoweho žiwjenja je dźěło z dorostom. Přez poprawne towarstwowe dźěło nawuknu dźěći a młodostni tola wo wjele wjace hač specifiske znajomosće a kmanosće skićene přez wotpowědne towarstwo. Jim sposrědkuja so hódnoty kaž zhromadnosć, pomocliwosć, respekt, přistojnosć, zamołwitosć, ale tež disciplina, kmanosć w skupinach dźěłać a česćelakomnosć. Z tym zeskutkownja naše towarstwa nimo swojeho poprawneho towarstwoweho dźěła cyle nahladny dźěl socialneho dźěła a towaršnostneho kubłanja.
Hdyž wobhladuješ sej cyłotowaršnostne wuwiće powšitkownje a wuwiće młodźinskeje pomocy w specielnym, tak je disens tola jasnje spóznajomny. Zo by so tutomu negatiwnemu trendej zadźěwało, dyrbja so naše towarstwa we wobłuku dźěła z dorostom jasnje skrućić. Wosebje ma so stopjeń organizacije dźěćaceho a młodźinskeho dźěła zwyšić. Ze so hodźacymi poskitkami w towarstwach, móžeš tež wjac dźěći a młodostnych zdobyć. Za to pak trjebaš čestnohamtskich a angažement dyrbiš so za towarstwa wupłaćić. Bytostny element budźe při tym widźomne "mytowanje" towarstwow z dźěćacym a młodźinskim dźěłom.
Tohodla budźemy dźěło społnomócnjeneje za čestnohamt dale skrućić, wutwar zwjazkow čestnohamtskich strukturow k lěpšemu wužiwanju potencialow spěchować a spěchowanje towarstwow z fokusom na dźěło z dorostom ponowić. Nowe powabki za dźěło z dźěćimi a młodostnymi w čestnohamtskim dźěle maja při tym nastać.
We wobłuku organizowaneho towarstwoweho sporta smy hižo derje nastajeni. Z wjace hač 45.000 čłonami, z nich wjace hač 15.000 dźěći a młodostni, w nimale 400 towarstwach twori naš wokrjesny sportowy zwjazk ze masowym sportom zakład najwjetšeho wobydlerskeho zjednoćenstwa we wokrjesu.
Wjacore razy móžachmy w zašłych lětach w Swobodnym staće Sakskej prěnje městno při wubědźowanju "Němske sportowe znamješko" wudobyć. Tohodla njeměli popušćić, za to pak móc k wobkrućenju inwestować. Zhromadny zaměr "Sportowski wokrjes Sakskeje" je za nas pohon a česć zdobom.
Hač hudźbne, sportowe, kulturne abo domizniske towarstwo – dźe wo zamołwitosć a zhromadnosć w našej towaršnosći. Za to budźemy so zhromadnje angažować!
Bliskosć k wobydlerjam je moje dźěło přeco charakterizowało. Tak njech tež wostanje. Z mnohich rozmołwow, kotrež sym wjedł, móžach ideje a móžnosće wuwića za naš wokrjes zrodźić. Wjeselu so tuž na mnohe dalše rozmołwy. Sće wšitcy přeprošeni, ze mnu do rozmołwy přińć.
Konto za dary:
Wokrjesny zwjazk CDU Budyšin
IBAN: DE35 8555 0000 1000 0024 69
BIC: SOLADES1BAT
Wokrjesna nalutowarnja Budyšin
Zaměr wužiwanja: dar LR-Wahl 2022 + WAŠE MJENO + ADRESA
Samozrozumliwje dóstanjeće wotpowědne darjenske wopismo.
